Gicumbi : Ababyeyi basabwe kugana gahunda y’ Ingo mbonezamikurire
Gicumbi: Hizihirijwe umunsi wahariwe imbonezamikurire y’abana bato .
Kuri uyu wa kane ,Taliki 12 Kamena 2025 ikigo cy’igihugu gishinzwe imikurire no kurengera umwana (NCDA) kizihije umunsi wahariwe imbonezamikurire y’abana bato, uyu muhango ukaba hizihirijwe mu karere ka Gicumbi mu rwego rw’igihugu .
Uyu munsi wahariwe imbonezamikurire y’abana bato ,ni umunsi wo kongera gushishikariza abanyarwanda kurwanya igwingira ry’abana bayoboka Ingo mbonezamikurire ECD( Early childhood Development) iyi akaba Ari gahunda igamije gufasha abana bato kuva bagisamwa kugeza ku myaka 6 , gukura neza mu buryo bw’imitekerereze ,gukura mu gihagararo ,uburere ,kugira isuku , n’imibanire myiza n’abandi.
Umuyobozi w’ikigo cy’igihugu gishinzwe imikurire no kurengera umwana (NCDA)Ingabire Assumpta yavuzeko bagifite urugendo kugirango bagere 100% mu kurwanya igwingira ry’abana bato ati “niyo mpamvu twongeye kwibutsa ababyeyi ,Abarezi ndetse n’abafatanyabikorwa ko bagomba gushyiramo imbaraga kugirango buri mwana wese ukivuka agerweho na serivisi za ECD arizo imirire myiza ,ubuzima ,isuku ,uburere buboneye ,kurinda no kurengera umwana, gukangura ubwonko bw’umwana “.
Minisitiri w’uburinganire n’iterambere ry’umuryango Uwimana consolee yashimiye cyane abagize uruhare mu gutegura uyu munsi wahariwe imbonezamikurire y’abana bato ati ” uko turi hano twese turi mu rugamba rwo kubakira abana bacu ejo hazaza habo heza ,haba mu bwenge ,mu gihagararo no mu mavamutima , ati turifuza ko izi serivisi zagera kuri buri mwana kuko kwita ku mwana agisamwa kugeza agize imyaka 2 ,iriya minsi 1000 ni urufatiro rugaragaza uko umwana azakura.
Minisitiri yakomeje avuga ati “ni uruhare rw’ababyeyi bombi Yaba abagabo,abagore ko basobanukirwa neza Akamaro ka ECD kuko byagira icyo bihundura mu muryango nyarwanda .”
Nzabonimpa Emmanuel umuyobozi w’Akarere ka Gicumbi ati “twishimiye ko mu karere kacu ibipimo by’igwingira byagabanutse aho mu myaka 3 ishize twari kuri 42% ubu tukaba turi kuri 19%, tukaba dufite intego yo kumanuka kugeza igihe ntamwana wo muri Gicumbi uzasigara arangwa ni igwingira.
Mu karere ka Gicumbi bafite Ingo mbonezamikurire(ECD) 459,Izegereye Abaturage ni 55 ,izishamikiye mu mashuri ni 135, izi ikitegererezo ni 2 ( model ECD ) ziri mu murenge wa Kiyove.
Uzi ECD zirimo abana 31731,Abakobwa ni 15911,Abahungu ni 15820,Abarezi ni 2694.
Mu Rwanda abana Bose bari mu ngo mbonezamikurire basaga 1,156,590 ,abafite 3 kugeza kuri 6 bagera kuri 78%.
Iyo abana bakuriye mu muryango ubitaho kuva bakiri bato baba bafite amahirwe yo gukura neza ,kuba abanyabwenge no kuba abaturage bagira uruhare mu iterambere rw’igihugu.
By : ABAWEDAWE Immaculee
